Glitnir hf. tilkynnir hér með að tveir kröfuhafafundir verða haldnir föstudaginn, 20. nóvember n.k. Hér að neðan eru þær tilkynningar sem voru sendar til og birtar í Lögbirtingablaðinu.

Kröfuhafafundur í slitameðferð Glitnis hf.

Föstudaginn 20. nóvember 2015, kl. 09:30, verður haldinn kröfuhafafundur vegna slitameðferðar Glitnis hf., kt. 550500-3530. Verður fundurinn haldinn í Silfurbergi, Hörpu, Austurbakka 2, 101 Reykjavík. Auk almennra fundarstarfa kröfuhafafundar verða eftirfarandi atriði á dagskrá fundarins:

1. Kynning á uppfærðu stöðugleikaframlagi og afleiddar breytingar.
2. Lausn undan ábyrgð, þar með talið stjórnvalda.
3. Atkvæðagreiðsla um ályktun er varðar uppfært stöðugleikaframlag og afleiddar breytingar.
4. Atkvæðagreiðsla um ályktun er varðar lausn undan ábyrgð.

Rétt til fundarsetu hafa þeir sem lýst hafa kröfu á hendur Glitni hf. sem ekki hefur verið endanlega hafnað eða þeir sem hafa fengið slíka kröfu framselda með lögmætum hætti. Fundargögn verða aðgengileg á aðgangsstýrða vefsvæði Glitnis, www.glitnir.info.

Boðun fundar til atkvæðagreiðslu um nauðasamningsfrumvarp Glitnis hf.

Í samræmi við 151. gr. laga um gjaldþrotaskipti o.fl. nr. 21/1991 (með síðari breytingum) er hér með boðað til fundar til atkvæðagreiðslu um frumvarp að nauðasamningi Glitnis hf., kt. 550500-3530, í samræmi við XII. kafla fyrrgreindra laga og ákvæði 103. gr. a laga um fjármálafyrirtæki nr. 161/2002 (með síðari breytingum). Fundur um atkvæðagreiðsluna verður haldinn í Silfurbergi, Hörpu, Austurbakka 2, 101 Reykjavík, föstudaginn 20. nóvember 2015, kl. 11.00.

Rétt til fundarsetu hafa þeir sem lýst hafa kröfu á hendur Glitni sem ekki hefur verið endanlega hafnað eða þeir sem hafa fengið slíka kröfu framselda með lögmætum hætti. Einungis samningskröfuhafar sem ekki eiga skilyrtar kröfur og teljast ekki nákomnir í skilningi laga um gjaldþrotaskipti o.fl. nr. 21/1991, eiga rétt til að greiða atkvæði um frumvarp til nauðasamningsins.

Frumvarp að nauðasamningi Glitnis hf. ásamt lista yfir þá kröfuhafa sem teljast samningskröfuhafar og hafa því atkvæðisrétt á fundinum verður birt á aðgangsstýrðu vefsvæði Glitnis, www.glitnir.info. Gögnin verða jafnframt tæk til skoðunar á skrifstofu Glitnis að Sóltúni 26, 105 Reykjavík að lágmarki tveimur vikum fyrir boðaðan kröfuhafafund.

Reykjavík 4. nóvember 2015.

Slitastjórn Glitnis hf.
Steinunn Guðbjartsdóttir hrl.
Páll Eiríksson hdl.

Slitastjórnin, ásamt slitastjórnum Kaupþings og LBI, átti í dag uppbyggilegan fund með fulltrúum íslenskra stjórnvalda og ráðgjöfum þeirra til að ræða hugmyndir sínar um úrlausn mála Glitnis með hliðsjón af áætlunum yfirvalda um afléttingu gjaldeyrishafta. Í framhaldi af þeim fundi átti slitastjórn Glitnis sérstakan fund með fulltrúum stjórnvalda og ráðgjöfum þeirra til skýra út nánar hugmyndir sínar. 
Slitastjórnin lítur á þessa fundi sem mikilvægt skref og telur að það sé í allra þágu að halda áfram þessum viðræðum milli aðila í þeim tilgangi að ná ásættanlegu samkomulagi um að ljúka slitaferlinu með nauðasamningi og í framhaldinu afléttingu gjaldeyrishafta.

Kröfuhafar eru minntir á opna kröfuhafafundinn sem haldinn verður á Hilton Hótel Nordica, Suðurlandsbraut 2, Reykjavík, fimmtudaginn 20. nóvember 2014, kl. 10:00. Dagskrá fundarins hefur verið gerð aðgengileg öllum kröfuhöfum á lokaða vefsvæði Glitnis hf. ásamt kröfuskrá, breytingarskrá og þeim tillögum sem lagaðar verða fyrir fundinn.

Slitastjórn Glitnis hefur gert samning við fyrirtækjaráðgjöf MP banka um að vera til ráðgjafar útfærslu á fyrirliggjandi frumvarpi að nauðasamningi Glitnis. Verkefni fyrirtækjaráðgjafar MP banka verða m.a. að leggja sjálfstætt mat á lausnir þar að lútandi. Leitað var til nokkurra innlendra aðila og ákvað slitastjórnin í framhaldi af því að ganga til samninga við MP banka.

Vegna fréttar Morgunblaðsins fimmtudaginn 9. janúar 2013 um málefni Glitnis vill slitastjórn koma því á framfæri að það er ekki rétt að til standi „á allra næstu vikum að ráða nýja fjármálaráðgjafa í stað breska fjármálaráðgjafafyrirtækisins Talbot Hughes & McKillop  (THM)...“

THM er fjármálaráðgjafi fyrir hönd allra kröfuhafa Glitnis en félagið var ráðið til þess verks af  óformlega kröfuhafaráðinu (ICC). Engar ábendingar hafa borist frá kröfuhöfum um að THM njóti ekki stuðnings þeirra og er  því ekki gert ráð fyrir öðru en að THM haldi áfram sínu hlutverki.

Þá skal áréttað, vegna fullyrðingar um hið gagnstæða í blaðinu,  að Glitnir hefur í tvígang lagt fyrir Seðlabankann ítarlegar tillögur um úrvinnslu þrotabúsins með óskum um undanþágur frá gjaldeyrislögum, nú síðast 18.nóvember sl. Þar voru lagðar fram tillögur sem ætlað er, eins og fram kemur á heimasíðu Glitnis, „að uppfylla skilyrði laga um að stöðugleika í gengis- og peningamálum verði ekki raskað, samanber bréf Seðlabankans þann 23. september 2013“.  

Beðið er viðbragða Seðlabankans við þeim tillögum.

Í dag átti slitastjórn Glitnis og fulltrúar kröfuhafa fund með Seðlabanka Íslands.  Þar kynnti slitastjórn Glitnis tillögur sínar sem ætlað er að uppfylla skilyrði laga um að stöðugleika í gengis- og peningamálum verði ekki raskað, samanber bréf Seðlabankans þann 23. september 2013.

Tillögur þessar voru settar fram að hálfu slitastjórnar í tengslum við umsókn um undanþágu vegna nauðasamninga Glitnis.  Fulltrúar Seðlabanka Íslands  tóku á móti tillögum slitastjórnar án nokkurra skuldbindinga annarra en að taka þær til skoðunar.

Ráðgjafarfyrirtækið Moelis & Company hefur að tilstuðlan slitastjórnar Glitnis gert ítarlega greiningu á viðskiptum með kröfur á Glitni hf. frá bankahruni 2008 til september 2013.

• Samkvæmt könnun Moelis hefur markaður með kröfur verið mjög virkur. Engu að síður eiga upprunalegir kröfuhafar í Glitni, sem ekki hafa selt sínar kröfur, samtals 29% krafna að verðmæti á kröfuskrá um þessar mundir. (Þessir kröfuhafar eru 93% af fjölda á kröfuskránni). Þar er um að ræða einstaklinga sem fjárfestu í skuldabréfum Glitnis fyrir fall bankans, íslenskar ríkisstofnanir, banka, íslenska lífeyrissjóði, fyrirtæki og aðra fagfjárfesta. Þessir kröfuhafar munu sennilega tapa bróðurpartinum af nafnvirði sinna krafna.
• Könnunin leiðir í ljós að 71% krafna að virði til eru um þessar mundir í eigu kröfuhafa sem hafa eignast þær eftir fall bankans (Um 7 % af fjölda skráðra kröfuhafa).

Slitastjórn Glitnis hefur samið við John Eatwell prófessor um að hann leggi mat á þjóðhagslegar stærðir og efnahagsskýrslur sem tengjast íslenska hagkerfinu. Verkefni hans verður að greina þjóðhagsleg áhrif ýmissa málefna sem hafa þýðingu fyrir endurskipulagningu þrotabús Glitnis hf. með nauðasamningum og önnur þrotabú íslenskra fjármálastofnana.

Eatwell lávarður er forseti Queens’College við Cambridge háskóla í Bretlandi. Hann hefur kennt við Harvard háskóla og verið gistiprófessor við háskólana í Columbía fylki, Massachusettes háskólann í Amherst, háskólann í Amsterdam og Nýja Félagsvísindaskólann í New York.

Slitastjórn Glitnis leitast við að hámarka virði þrotabúsins og sala eigna hefur verið eitt af meginatriðum þeirrar stefnu. Þegar Glitnir tók við 95% af hlutabréfum Íslandsbanka í lok árs 2009 var því lýst opinberlega að hlutabréfaeignin yrði til sölu þegar fram liðu stundir og þess vænst að söluferlið gæti tekið 3 til 5 ár.

Slitastjórn Glitnis hf. hefur tilnefnt Jan Kvarnström sem umsækjanda í stöðu formanns stjórnar bankans eftir nauðasamninga. Tilnefningin er hluti af áætlun um mögulegt tilboð um nauðasamninga sem myndu binda endi á slitaferli Glitnis.

Ef tilboð um nauðasamninga verður samþykkt af fulltrúum hluthafa sem fara með meirihlutaeign í Glitni mun tilnefndur formaður, ásamt tilnefndum stjórnarmönnum, verða útnefndur í starfið á hluthafafundi sem haldinn verður síðar.Stjórnin sem þá yrði stofnuð myndi gegna lykilhlutverki í varðveislu og skilum verðmæta í hendur kröfuhafa.